 | أحــــــلام الحـــــــــــب |
       |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| مواضيع مماثلة |
| شاطر |
تجميد وحفظ الخضروات والفواكه واللحوم
 موضوع: تجميد وحفظ الخضروات والفواكه واللحوم  الثلاثاء سبتمبر 28, 2010 11:05 am | |
موضوعنا النهاردة مفيد جداً وهيتكلم عن : طرق تخزين وتجميد الفواكه والخضروات وان شاء الله كل ربة بيت تستفيد منه وتعم الفايدة على الكل تنشيف النعنــاع  الطــــريقة : نشيل الورق من الاغصان ونغسله بوعاء كبير  نضعه بمصفه للتصفيه  وهذا شكل وعاء التصفية ونشفي ورق النعناع جيداُ  نضع النعناع .. بمفرش بلاستيك ..سفرة ..وننشرة جيداُ ويوضع بمكان جيد التهوية . ونشغل المروحة او مروحة المكيف ونتركة يوم كامل ..حتى ينشف مع التقليب المستمر  وهنا بعد ما نشف  ونضعة ببرطمان وتمتعي بنعناع ذو رائحة زكية  عدل سابقا من قبل ام اوتا في الأربعاء نوفمبر 10, 2010 7:22 pm عدل 2 مرات | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:08 am | |
تجميد الأعشاب  سيدتي ... يمكنك تجميد الأعشاب الطازجة بوضعها داخل مكعبات ثلج ترص داخل اكياس بلاستيكية حتي يمكنك استخدامها عند الحاجة بعد فترة طويلة. ************* تجميد اللحوم  طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة. ************ تجميد الأسماك  بعد ما تروحي البيت على طوول طلعي السمك من الكيس بتاعه وابدئي في تنظيفه كويس. ودي طريقة تنظيف السمك: 1. امسكي وسط السمكة وقشري جلدها باتجاه الرأس بسكين أو بحافة سكين غير حادة. 2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها وتأكدي من أنها قد شقت جيداً من الداخل شيلي الأمعاء ونظفي بطن السمكة كويس. 3. بعد كده ابدئي في تنظيف السمك بالميه الباردة وبأكد بالميه الباردة وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر. | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:14 am | |
حفظ الخضروات الورقية زي " البقدونس والشبت والكزبرة والجرجير"  أحسن طريقة لحفظ الخضروات الورقية في الثلاجة طازجة لأطول فترة ممكنة هي إنك تلفيها في فوطة نظيفة وبعد كده تحطيها في كيس بلاستيك وتحطيها في التلاجة. *********** حفظ الطماطم  لو كانت الطماطم طرية يبقى اغسليها كويس وبعد كده قطعيها واضربيها في الخلاط لغاية ما تبقى عصير بعد كده صفيها وحطيها في أكياس نايلون ناشفة وحطيها في الفريزر لحين الاستخدام. لكن لو كانت الطماطم جامدة يبقى حطيها في مصفاه وحطيها في التلاجة زي ما هي. ************* حفظ الفلفل والقرنبيط والجزر  ممكن تشيلي الفلفل الرومي بالتجميد عن طريق إنك تغسليه وتقطعيه شرائح طويلة أو مكعبات وتحطيه في أكياس نايلون وبعد كده تحطيها في الفريزر، ونفس الشيء ده هتعمليه مع القرنبيط والجزر. ************ حفظ الباميــة  هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها بعد كده هاتي السكينة وابدئي في تقميع البامية بإنك تشيلي الجزء العلوي منها بشكل هرمي واوعي تقطعيها من النص أو من الطرف لأن ده ممكن يخليها تنزل العصارة اللي فيها. بعد كده اغلي ميه وحطي عليها نصف ليمونة ومعلقة ملح بعد كده حطي فيها البامية لمدة خمس دقائق وبعد كده شيليها من الميه المغلية، وحطيها في مصفاة وافتحي عليها الحنفية بميه باردة بعد كده سيبيها شوية علشان تصفي الميه اللي فيها... بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية بس خدي بالك وإنتي بتحطيها إنك تفرغي الكيس من أي هواء بعد كده اقفلي الكيس كويس وحطيه في الفريزر.. | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:21 am | |
حفظ البسلة والفاصوليا  هاتي البسلة وفصصيها واغسليها كويس وحطيها في المصفاة. بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه تغلي على النار بعد ما تغلي ضيفي إليها البسلة وسيبيها لمدة 5 دقائق بعد كده حطيها في المصفاة واغسليها على طول بميه باردة من الحنفية وده علشان تحافظي على لونها الأخضر وعلى القيمة الغذائية اللي فيها.بعد كده سيبيها شوية علشان تصفي الميه اللي فيها... بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة بس خدي بالك وإنتي بتحطيها إنك تفرغي الكيس من أي هواء، بعد كده اقفلي الكيس كويس وحطيه في الفريزر... ونفس الشيء مع الفاصوليا ************* حفظ ورق العنب  هاتي ورق العنب واغسليه كويس وبعد كده حطيه في مايه مغلية لمدة 3 دقائق وشيليه منها وحطيه في مصفاة يصفي ميته ويبرد بعد كده لفيه في فوطة ناشفة وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد كده حطيه في الفريرز. ************ [b] حفظ الملوخيـة  هاتي الملوخية وقطفيها واغسليها كويس وحطيها في مصفاة علشان تصفي ميتها كويس وبعد كده خرّطيها وحطّيها في أكياس نايلون ناشفة وحطيها في الفريزر. *********** [b][center]حفظ البصل والثوم والبطاطس  دول مش محتاجين إنك تحطيهم في التلاجة لأنك ممكن تحطيهم في مصفاة وتحطيهم في أي زاوية من زوايا المطبخ.. ويمكن فرم التوم وحفظه فى علبة محكمة بالفريزر [/b] [/b] | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:35 am | |
تجميد التفاح يقشر ويقطع ويوضع عليه عصير ليمون وسكر ثم يعبأ في اكياس    | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:36 am | |
حفظ الخــوخ ( أو أى فاكهة أخرى بتسّود )  تغسل ثم توضع في ماء حار ثواني ثم توضع في ماء مثلج وتقشر وتقطع ويوضع عليها عصير ليمون وقليل من السكر وتقلب جيدا ثم تعبا في اكياس         | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:38 am | |
حفظ البهارات والتوابل  يا ريت تحتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة. علشانكده يا ريت ما تخزنيش الأعشاب والبهارات الجافة بالقرب من أفران الغاز أوالمايكروويف أو أي مصدر للحرارة أو الرطوبة زي أجهزة غسل الصحون وغلاياتالماء وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين. **************** حفظ الفلفل    الفلفل يغسل ويشق وينظف من البذور ويحفظ فى برطمانات | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:40 am | |
تجميد الكوسه والبتنجان الاسود الكوسه والبتنجان الاسود تغسل وتقطع وتغلى ثم تبرد وتصفى وتحفظ او تقلى وتصفى ثم تحفظ               | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:42 am | |
تجميد الفاصوليا الخضراء اولا تغسل وتقطع اطرافها ثم تقطع اجزاء       تغلى قليلا في ماء وملح   تصفى ثم توضع في اكياس  | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:43 am | |
طريقة ام اوتا فى تجميد البطاطس تجيب البطاطس ونغسلها كويس ونقشرها ونقطعها صوابع اد بعضها ونغسلها تانى زيادة توكيد حلوة توكيد دى  ونكون مجهزين حلة بنت ناس لاكبيرة ولا صغيرة ونحط فيها مية وفنجان خل ونحطها على النار تغلى وبعدين اول لما المية تغلى نحط صوابع البطاطس ونخليها تغلى غلوتين تلاتة لا علشان البطاطس ما تتهرسش ونطلعها فى مصفة لغاية ما تصفى ميتها كلها ونعبيها فى اكياس لما تبرد خالص ونفضى الكيس من الهوا خالص وبعدين نحطها فى الفريزر هتقعد معاكى من تلاتة الا ست شهور وهتبقى ولا بطاطس لافارم فريتس ولا بون فريتس اية رأيكم انفع؟؟ | |
| موضوع: رد: تجميد وحفظ الخضروات والفواكه واللحوم الثلاثاء سبتمبر 28, 2010 11:49 am | |
تجميد المانجــو يقشر ويقطع ويرش بقليل من عصير الليمون ويحفظ     | |
| موضوع: رد: تجميد وحفظ الخضروات والفواكه واللحوم الخميس أكتوبر 07, 2010 5:27 pm | |
| موضوع: رد: تجميد وحفظ الخضروات والفواكه واللحوم الخميس أكتوبر 07, 2010 7:05 pm | |
| موضوع: رد: تجميد وحفظ الخضروات والفواكه واللحوم الخميس أكتوبر 14, 2010 11:38 pm | |
| موضوع: رد: تجميد وحفظ الخضروات والفواكه واللحوم الإثنين نوفمبر 01, 2010 9:13 pm | |
تجميد وحفظ الخضروات والفواكه واللحوم |  |
| ||
| » وفد ليبي يبحث مع "البدوي" تجميد أرصدة قذاف الدم |