- انسانه رومانسيه كتب:
- تكسبي فيا ثواب وتعلمينى طريقه القلقاس بقى
عونيا الاتنين
هنعمله فى يوم ابيض وبالصلصة كمان
بس دا فى حصة القلقاس يا شابة
لوتحبى ننفذه دلوقتى عونيا الاتنين
يلا بينا على المطبخ
المقادير
للقلقاس اللى بالصلصةكيلوقلقاس
كيلوطماطم
سلق اخضر وتوموشية كسبرة خضرا
بصل وملح وفلفل وشطة
الطريقة للقلقاس اللى بالصلصة
ننطف القلقاس ونقشره ونقطعه مكعبات
نغسله غسلة واحدة بسيطة
ونجهز حلة فيها مية على النار
لما تغلى نسقط فيها القلقاس وناخده نص سلقة بسيطة
نصعه فى مصفة ونحطه تحت المية ونغسله كويس لغاية ما التلزيق اللى فيه يروح خلص
نجهز حلة ونضع فيها بصلة مبشورةوشوية زيت صغيرين ولماالبصلة تصفر
نضع الصلصة والتوابل المذكورة ولماتغلى الصلصة نضع القلقاس لغاية مايستوى
نجهز بعدها السلق والكسبرة الخضرا نغسلهم كويس ونقطعهم نونو ونبشر عليهم التوم وشوية زيت محترمين كدا
مقدار اربع او خمس معالق زيت كبار
ونتركم فى طاسة على النار الهادية شوية
لما الثوم يصفر والخضرا تاخد اللون الغامق الفاتح مش نحرقهم مع التقليب المستمر
بعدها ندقهم بظهر المعلقة وهيبقى دقهم بسيط ونضعهم على القلقاس وبالهنا والشفااما القلقاس الابيض بعد سلق القلقاس وتنظيفه تحت مية جارية لازاله المادة الملزقة اللى فيه
نجيب حلة فيها بصلة وزيت لما لونها يبقى دهبى فاتح نضع عليها مقداركيلو من الشوربة
ممكن تكون شوربة لحم او دجاج
نحط فيها ليمونتين كبار معصروين وبعدها التوابل من ملح وفلفل وشطة خفيف
وبعدها نضع عليه القلقاس ونتركه يغلى لما يستوى
وبعدها برضه نعمل السلق بنفس الطريقة السابقة ونضعه عليها
وبالهنا والشفا