هنتعلم سوا

كل يوم هناقش اكلة وهنبدأ من البسيط


وان شاء الله نفيد بعض

هنعمل النهاردة تورلى الخضار المشكل باللحم


ها مين معايا؟؟؟؟؟؟؟؟؟

اولا نسلق اللحمة


طب ازااااااااااااى؟؟؟؟؟؟؟


هنسيب اللحمة لمدة ساعه فى مية نظيفة

ننقعها يعنى وبعدين نغسلها كويس

ونحطها على حلة على النار تغلى غلوة وكل شوية نشيل الريم الاسود

ولماتبدأ تدخل فى السوا نضيف الملح

ونجهز طاسة فيها شوية زيت ومستكة وحبهان ونحطهم على اللحمة والشورة

وبكدا نبقى سلقنا اللحمة

تعالوا بقى نلعب فى المطبخ


نخليها لعبة جميلة

هنجيب صينيه كبيرة ونحط فيها معلقتين زيت

وعليهم بصلة جميلة مبشورة ونخلى البصلة لونها يصفر

بعدها نحط فص توم مدقوق

ونقلب لما لونه يصفر هو كمان

ونحط البسلة والفاصوليا الخضرا شوية ونقلبها لما نحس انها لونها مال للون الاخضر الداكن

نحط نص كوب مية ونغطى ربع ساعة

لما نحس انها بدأت تدبل


ما هو الطبيخ احساس يا ناس




بعدها نحط الكوسة ونستنى لما لونها يتغير لللاخضر كمان يعنى تبدأ تدخل فى السوى

نحط بعدها البطاطس والجزر ومقدار صلصة الطماطم الحلوة اللى تغطى كمية الخضار

ومعاهم ملح وفلفل وكمون وشطة وندوق الحدق يا جميل




اوعى تحطى كتير

ما القمر لسة بيتعلم

نجرب شوية بشوية

لغاية ما نوصل للحدق اللى احنا عايزينه

ونسيبه ربع ساعة

بعدها نضيف البدنجان على الوش

اصل البدنجان بيدبل بسرعة وبيستوى بسرعة جدا

ونغطى تانى عشر دقايق

لونقصت كمية الصلصة نحط شوية

لما التورلى يستوى كله


الله الله الله على الريحة

نحط اللحمة اللى سلقناها فى الاول فى الصينيه مع التورلى

ونحط الصينية فى الفرن


وورونى الشطارة بقى

هنعمل النهاردة جلاش بسيط وسهل باللحم المفروم وكمان جلاش بالجبن


يلا هيصوا

اولا جلاش اللحم المفروم

المقادير

رول جلاش جاهز

بصلة كبيرة

نص كيلو لحم مفروم

معلقة صلصة طماطم


4معالق زبدة كبيرة وسايحة

مكعب مرقة مذاب فى ربع كوب ماء( ودا سر شويبس)


ملح وفلفل وكمون وشطة
الطريقة

نجهز صينية على النار وعليها معلقتين زيت ونضع فيهم البصلة المبشورة ونقلب البصلة لغاية مالونها يبقى دهبى

نضع اللخم المفروم وربع كوب ماء حتى تام نضج اللحم نضيف التوابل ومعلقتين صلصة الطماطم

ونتركهم خمس دقائق ونقلب حتى تمام النضج الكامل

نحضر صينيه وندهنها بالزبد

ونحضرلفائف الجلاش ونفردها جنب الصنية

وناخد طبقة طبقة
وما بين الطبقات ندهن زبد سايح

حتى نقسم الطبقات لنصف سفلى ونصف علوى وبينهم اللحم المفروم
ما ننساش بين كل طبة ولتاني ندهن زبد سايح

كملنا الطبقات على خير وبينهم المفروم

نقوم بتقطيع الصينية بكين حاد وبهدوء

ونحضر كوب المرقة ونصبه على الصينية

وندخلها الفرن


وبالهنا والشفا

هنعمل النهاردةالجلاش بالجبن

مين معايا


المقادير


لفة جلاش

ربع كيلو جبن رومى مشور

ربع موتزاريلا

كوب جبن شيدر

زبد او سمن

الطريقة

ندهن صينية زبد

نضع طبقات الجلاش وما بينهم ندهن زبد

لغاية ما نصل لنص الطبقات

نضع الحشو المكون من كل الجبن ونسيب حبة صوغنتاتين من كوكتيل الجبن

نكمل رص باىالطبقات ودهن الوش زبدة او سمن

نقطعها باسكينة بالراحة وندخلها الفرن لماالوش يبق دهبى

نخرجها ونضف عليها باقى الجبن المتبقية وندخلها الفرن ثوانى علشان الجبن تسيح


وبالهنا والشفتشي