 | أحــــــلام الحـــــــــــب |
       |
| |||||||||||||||||||||||||||||||||||||||||||||
| مواضيع مماثلة |
| شاطر |
الرقاق باللحمه المفرومه بكل تفاصيله
 موضوع: الرقاق باللحمه المفرومه بكل تفاصيله  الجمعة نوفمبر 12, 2010 2:22 pm | |
 احبائي واخواتي الكرام اعضاء منتدانا الكريم منتدي احلام الحب  بشارك معاكوا النهارده بالرقاق المصري باللحمه المفرومه من الالف للياء بطريقة عمل الرقاق نفسه " وده الرقاق الطري " . واليكم التفاصيـــــــــــل 000 * نجهز العجين بتاع الرقاق وهو زي عجينة الفطير المشلتت " عباره عن : 2 2/1ك دقيق ( طحين ) + 3/4 ماء + رشة ملح .  * نعجنهم كويس جدا حوالي 10 دقايق " لحد ما العجينه لونها يبيض " .   * نقطعه ونعمله كور ونغطيه بفوطه ونحطه في مكان دافئ " المقدار ده عملي 7 رقاقات كبار " .  * بعد نصف ساعه ندهن الرخامه زيت ونفرد العجينه عليها " رفيعه جدا " ومش مهم لو ما كانتش متساويه او اتخرمت منك " ما تقلقيش 00 هنعالجها " .  * بعد ما نخلص الكميه نجيب صينيه ونقلبها علي ظهرها ونحطها علي النار ونحط كل رقاقه لوحدها ثواني لحد ما تتشمع بس " علشان ما تنشفش " .   * وبعدين نساوي الاطراف علشان تبقي مدوره " انا قصيته بالمقص اسهل عملته مثلث وقصيت الاطراف اللي ما كانتش مظبوطه 00 بس ما ترميش اللي انتي قصتيه هنستخدمها " .  * دلوقتي هنجهز اللحمه المفرومه المعصجه " عبارة عن : نحمر بصله كبيره ونحط عليها اللحمه المفرومه وعليها الملح والفلفل والبهارات وعليها شوية ماء صغيرين لحد ما تستوي " .  * ونجيب شوية لبن ( حليب ) ومعاهم سمنه بلدي وكمان مكعب مرقه ونحطهم علي النار لحد ما يغلوا " علشان نسقي بيه الرقاق " .  يتبـــــــع * وبعدين نجهز الصينيه ندهنها سمن ونحط اول راقه .  * ونحط شويه من السائل اللي عملناه " اللبن والسمن والمرقه " .  * ونكمل 3 راقات كمان وبين كل راقه والتانيه نحط سائل وبعدين بعد الراقه الرابع نحط اللحمه المعصجه .  * وبعدين الراقه اللي بعد اللحمه انا مش حطيت راقه كامله انا حطيت اللي قصيته من الرقاق " صدقيني مش هيبان كله هيلزق في بعضه بعد كده " . وكملي باقي الراقات التانيه لحد ما تخلصي كمية الرقاق اللي عندك وطبعا بين كل راقه سائل واخر راقه حطي كل مقدار السائل اللي متبقي . وبكده هيبقي عندك 8 راقات مش 7 " باضافة الرقاق المقطع في النصف " .  * دخلي الصينيه الفرن لحد ما تتحمر من تحت وبعدين حطيها في الشوايه علشان الوش يتحمر .  * وبعد ما يطلع من الفرن غطية شويه بصينيه تانيه علشان يفضل طري .  * ويقدم بالف هنا وشفا 000   * طبعا احنا عندنا في مصر دايما بنعمل الرقاق مع المحشي  . شوفوا مع جوه شكله ازاي .  اتفضلوا معانا 000   الف هنا وشفا علي قلوبكم الحلوة ارجو ان تكون طريقتي عجبتكوا تقبلوا احترامي وتقديري منقوووووول | |
| موضوع: رد: الرقاق باللحمه المفرومه بكل تفاصيله الجمعة نوفمبر 12, 2010 10:47 pm | |
| موضوع: رد: الرقاق باللحمه المفرومه بكل تفاصيله السبت نوفمبر 13, 2010 11:06 pm | |
| موضوع: رد: الرقاق باللحمه المفرومه بكل تفاصيله الثلاثاء نوفمبر 23, 2010 1:05 am | |
 | |
| موضوع: رد: الرقاق باللحمه المفرومه بكل تفاصيله الأحد فبراير 27, 2011 4:45 pm | |
الله يسلمك ادمن وشكرا لمرورك الرائع  | |
الرقاق باللحمه المفرومه بكل تفاصيله |  |
| ||
| » صينية الرقاق بالبشاميل |