 | أحــــــلام الحـــــــــــب |
       |
| |||||||||||||||||||||||||||||||||||||||||||||||||||||||||||||||
| مواضيع مماثلة |
| شاطر |
ازاى تسطبى ويندوزعايزه تعرفى تعالى وانا اقولك
 موضوع: ازاى تسطبى ويندوزعايزه تعرفى تعالى وانا اقولك  السبت أغسطس 07, 2010 11:29 pm | |||||||||||||
كتير مننا بنات وبنبهدل اوى عشان نحمل الويندوز وعشان كدهجبتلكم الموضوع ده وانا بجد اتعلمت منه تحميل الويندوز اتمنى يااااارب ان انتوا كمان يفيدكوا وتتعلموا منه سالخير عليكوا الويندوز بايظ عايزة اسطب ويندوز يييييييييييييه لسه هشيل وانزل واروح بيه مكتب الصيانه لا انا لازم اتعلم اسطب ويندوز اه انا هروح واقعد ع ايده ف الخباثه كده واتعلم.12. _________________ ده لسان حال ناس كتير بعد الويندوز الفيستا مانزل وهما لسه مش بيعرفوا يسطبوا ويندوز:zzz: قلنا نكسب فيكم ثواب ونعلمكم تسطيب ويندوز XP من الـــ أ الى الــ ي هنبدأ مع بعض ونسمي بالله بسم الله الرحمن الرحيم اول خدوة عشان تسطب ويندوز لازم يكون عندك سي دي ويندوز مع ملاحظة ان الشرح ده للنسخ الاوريجنال يعني اللي مش متغير فيها او معمولها تعديلات كأمثال ويندوز ستايل وفورتكس وغيرهم الاختلاف ف النسخ دي بيكون بسيط بس انت لو عرفت تسطب الاوريجنال اعتقد الباقي هيبقى سهل بالنسبه ليك ______________________________________________ احتياجات تسطيب نسخه ويندوز 1- سي دي ويندوز XP + السيريال نمبر الخاص بالنسخه (وتقدر تجيبهم من اي حد من اصحابك او تشتريهم من مكتب صيانه ) 2- سي دي روم طبعا مش محتاجه ذكاء خالص يعني __________________________________________________ __ نبدأ بقا اول خطوة لازم نعملها اننا نخلي السي دي روم هي الــFirst Boot بتاعنا يعني ايه؟؟؟؟ يعني نخلي الجهاز اول حاجه يحس بيها وقت مايقوم النظام او السيستم الخاص بجهازك هو السي دي روم ليه؟؟ عشان يقرا من السي دي بدايه خطوات السيتب للويندوز الجديد ازاي؟؟؟ بص معايا اول مابتفتح الجهاز بيكون ده اول حاجه بتجيلك مع اختلاف انواع الاجهزة طبعا  بتدوس حضرتك ع مفتاح Delete اللي فوق الاسهم او Del اللي جمب الارقام ف يمين الكيبورد بينقلك للصفحه التاليه  طبعا بتجيلك الصفحه الزرقا بدون المربع الاحمر اللي ف النص ده بتروح طبعا ع حضرتك ع advanced Bios Features وفيه بعض انواع من المذر بورد بيختلف فيها الاسم بس ف الغالب بتبقى حاجه خاصه بكلمه BOOT هبقى اضيف باقي الاسامي حسب انواع البورد المهم اننا بعد مابنوصل للمرحله ده بنختار الاختيار ده وتضغط انتر وتخش جوه هتلاقي فيرست بوت وسكند بوت وثيرد بوت بتروح ع الفيرست بوت وتختار السي دي روم بانك تضغط انتر بيفتحلك مربع فيه اختيارات بتختار الcd وتدوس انتر وبعدها Esc هترجع تاني للصفحه بتاعت البدايه بتختار save @ Exit وتدوس ييس او حرف Y والجهاز بيعمل رستارت لوحده _______________________________________________ كده احنا خلينا النظام اول حاجه يحس بيها ف بدايه التشغيل هي السي دي روم ________________________________________ جهازك بيعمل رستارت وهيقوم لحد ما هيوصل بيك لمرحله البحث عن الملفات اللي هيقوم بيها النظام وهيديك الكلام ده ف اخر الشاشه تحت اللي هي بتبقى فيها مربعات بيانات جهازك  هنا بيقول لحضرتك دوس اي زرار ف الكيبورد عشان يعمل البوت من السي دي روم فبتدوس مسطرة او اي حاجه بيتنقل بيك لصفحه سوداء بالكامل مفيهاش غير سطر واحد فوق  كده هو بيقرا النظام بتاعك بالكامل ______________________________________________ وهيبدأ ينقلك لمرحله تانيه  من هنا حضرتك متفرج بس للمعلوميه فقط هو هنا بيعمل تحضير للملفات اللازمه لاتمام عمليه التسطيب لجهازك بيقرا معلومات جهازك بالكامل كل اللي انت هتعمله هتستنى وتسيبه متزعجوش __________________________________________________ _ هيجبلك مرحله الموافقه ع ترخيص استخدام نسخه من ميكروسوفت هتكون بالشكل ده  حضرتك هتدوس F8 بس انت لسه نايم برضه:zzz:  اصحى ياعم انت نمت ولا ايه؟؟؟ يالا هنا بيقولك لو عايز تسطب ويندوز دوس انتر ده لو عايز يعني:zzz: هتدوس انتر هيجبلك بعدها مرحله تانيه اللي هي لو هتعمل ريبير هتلاقي ف الشريط اللي تحت اختيارات انك تعمل ريبير للنسخه الموجوده فهنقوله لا ياعم احنا عايزين شغل جديد سلمني نضيف اسلمك نضيف هتدوس Esc مع ملاحظه حاجه ان لو الهارد جديد او الهارد مكنش عليه ويندوز قبل كده او قبل المرة اللي انت بتسطب فيها دي مش هيجبلك الخطوة دي الخطوة دي هتظهر مع الهارد المستعمل مسبقا وكان عليه نسخه ويندوز وركزوا قوي ف الجزئيه دي ______________________________________________ دلوقتي دسنا اف 8 وقلناله لا هنسطب جديد ودسنا انتر هينقلنا لمرحله اختيار البرتشن المستخدم للتسطيب  هي هتكون زي الصورة كده مع اختلاف طبعا تقسيمه البرتشنات الخاصه بيك فانت ف الغالب هتختار الدريف C اذا كان هو ده مكان الويندوز القديم عندك وتدوس انتر هينقلك لمرحله الفورمات  ف المرحله دي هو بيعمل اعاده تهيئة للدريف عشان يستقبل الويندوز الجديد بيفرمطه وينضفه ويرتب ملفات السيستم الخاصه بجهازك الافضل اللي انا بفضله بصراحه هو الفورمات Fat عادي بدون كويد لانه بيعيد ترتيب سيستم الدريف وبيعالج معالجه كويسه الى حد ما لو الدريف فيه بادات او اي مشاكل انما لو انت عارف ان هاردك مليان بادات فتوكل على الله وخليك ف الفات كويك بس توقع ف اي وقت النسخه هتقع منك:zzz: ________________________________________________ هيبدا دلوقتي مرحله الفورمات بالشكل ده وحضرتك هتتفرج  ثم هيعمل تشيك سريع للدريف ويبدأ ينسخ الملفات اللازمه من السي دي على الدريف لبدء عمليه السيتب وبرضه هتتفرج  هيخلص نسخ الملفات ويروح رايح لمرحله الاستعداد للرستارت  كل ده وانت بتتفرج برضه بس هنا ممكن لو ايدك بتاكلك ع الكيبورد دوس مسطرة هيرستر بسرعه.12. __________________________________________________ ____________________________ كده عملنا اول مرحلتين الاولى خلينا السي دي روم هو الفيرست بوت التانيه حضرنا الدريف للسيتب ونسخنا ملفات السيتب الاساسيه __________________________________________________ دلوقتي الجهاز بيعمل رستارت.12. هتسيبه بقا مش هتدوس على حاجه
 هيخلص ويفتح معاك بالشكل ده  برضه تتفرج وممكن تعمل واحد شاي وتيجي _________________________________ فجاة هيروح مديك الرساله دي  هتدوس حضرتك Customize هيفتحلك فوقيه الويندو دي  فيها من فوق 3 اختيارات اول حاجه هتعملها هتروح لــ@-@@-@@-@@-@@-@@-@@-@@-@ هتعلم على اول اختيار زي ماهو موجود ف الشكل قدامك لو متعلم خير وبكره مش متعلم هتعلم عليها هيفتحلك ويندو صغيره هتدوس اوك وتدوس ف نفس الويندو دي ع regional option هيجيلك بالشكل ده  هتخلي الحاجات اللي عليها السهم زي ماهي كده وتدوس اوك هياخدله وقت بسيط ويرجعك لنفس الويندو الاولى اللي هي دي هتدوس نكست هينقلك للخطوة التاليه  هتكتب اي نيم واي اورجنيزيشن وتدوس نكست هيوديك لمرحله السيريال نمبر  هتكتب السيريال نمبر بتاع النسخه وتدوس نكست مع ملاحظه ان اي خطأ ف السيريال نمبر مش هينقلك للمرحله التاليه ______________________________ الخطوة اللي بعدها اعدادات التوقيت  هتظبط الTime zone +2 Cairo وتدوس نكست هيحمل معاك ويكمل عادي وفيه بعض النسخ بيطلب منك تكتب السم الجهاز بتاعك مرة تانيه بعد مرحله السيريال بتختلف من نسخه لاخري بس مفيش منها اي مشكله هتكتب الاسم بتاع الجهاز بتاعك ولاحظ ان الاسم ده هو اللي جهازك هيظهر بيه على شبكه النتوورك مع الاخرين __________________________________________________ ___________ هيرجع الجهاز يكمل باقي الخطوات وهتتفرج انت برضه ________________________________________ ف بعض الاوقات هيديك اعدادت الشبكه بتاعتك ده في حاله ان كارت النتوورك الخاص بيك اتعرف لوحده  هتبقى رساله بالشكل ده دوس نكست وكمل عادي كل ده تقدر تعدله من داخل النسخه لو جهازك بيحتاج اعدادات مختلفه ____________________________________________  هو كده قرب يفنش السيتب بتاع النسخه ______________________________ انت كده مش هتعمل حاجه ابدا هو هيخلص ويعمل رستارت مع نفسه برضه _____________________________________________
عمل الرستارت لو مفيش حاجه اتعرفت لوحدها هيديك رساله هتدوس اوك هتتكرر هتدوس اوك تاني هيفتح معاك كده
 هتدوس هنا Skip هينقلك لخطوة تانيه
 هتعلم فوق على No وتدوس نكست
 Not right now وتدوس نكست
 هنا هتكتب ف خانه واحده بس الاولى فقط هتكتب اسمك او اي اسم شرط انه يكون مش زي الاسم اللي كتبته ف مرحله التسطيب وهتدوس نكست __________________________________________________ _____________________ Welcome  مبروك عليك الويندوز هتبدأ حضرت تعرف تعريفات البورده بتاعتك من السي دي المرفق مع الجهاز _______________________________________ وعشان تظهر ايقونات ماي كمبيوتر والانترنت والحاجات دي كليك يمين ف اي مكان ف الدسكتوب وتختار اخر اختيار بروبرتس هيظهرلك الويندو دي  هتختار من فوق دسكتوب وبعدين تدوس ع اللي ف المربع الاحمر هيديك ويندو بالشكل ده  هتحط علامه صح ع كل الحاجات اللي عايزها تظهر ع الدسكتوب عندك وتدوس اوك ف الويندو الاولى والتانيه وبكده نكون خلصنا مع بعض كل خطوات شرح التسطيب منقوووول للامانه | |||||||||||||
| موضوع: رد: ازاى تسطبى ويندوزعايزه تعرفى تعالى وانا اقولك السبت أغسطس 07, 2010 11:38 pm | |
فى بقى مشكله كانت بتواجهنى دايما لما احمل الويندوز كنت الاقى كل البرامج مش شغاله خاااالص لغايط ما عرفت السبب وهو ان لاااااااازم تكون اللغه متعرفه وفى نسخ لازم تعرفيها من جوه الويندوز كمان وجبتلكم الطريقه ويارب تفيدكم لابد من تحميل هذا الملف وهو ملف الخطوط العربية لإدخال اللغة العربية إلى الويندوز  XP_Arabic_font.zip ( 3.87mb ) وهو ملف مضغوط ويجب وجود برنامج ال winzip على جهازك لفك الضغط عنه بعد تحميل المجلد المضغوط ضعيه على سطح المكتب لفك الضغط عن المجلد كليك يمين على المجلد ثم كما بالصورة  بعد الفك تجد مجلد يحمل نفس اسم المجلد المضغوط بجانبه الآن انتهينا من تحميل وفك ملف الخطوط , وكل هذه الخطوات لا يحتاجه من يمتلك CD Windows XP Pro أو Windows Home بغض النظر عن أي لغة نبدأ بعملية إدخال العربية, أول خطوة انقر على (Start ) ثم (Control panel) ثم انقر على(Regional and ******** settings)  وعند ظهورالنافذة تختار من الأعلى (********s) وبعد الانتقال إلى هذه النافذة تنقر على الخيار الأول لإضافة ملفات اللغة العربية نضع علامة صح بجانب الخيار الأول.  ( أرجو الملاحظة جهازي عليه اللغة العربية لذلك يظهر خيار إضافة اللغة العربية غير مفعل عندى  )وبعد ذلك مباشرة تظهر لك نافذة تأكيد ومن خلالها تنقرى على OK وبعد ذلك تختار من أعلى(Advanced) وبعد ذلك تنقر على رأس السهم كما في(2) ليفتح لك قائمة طويلة باللغات فتختار اللغة العربية وتحددها كما في (3)  وبعد إنهاء تحديد اللغة تنقر على OK  وبعد ذلك مباشرة تظهر لك نافذه تطلب إدخال السيدى الخاص بالويندوز وانقر على OK  تنبيه خاص بالذين عندهم CD Windows XP : هذه النافذة تطالبك بإدخال CD Windows XP فأدخليها في محرك و CD ثم بعدها انقرى على OK وانتظرى ريثما تنتهي عملية تركيب الخطوط وأي رسالة تأتيك انقر على موافق ok حتى تصل إلى النهاية ويطالبك بإعادة تشغيل الجهاز وبذلك تكون قد انتهت عملية تركيب اللغة العربية بعد ظهور هذه النافذة انقرى على( browse)  بعد ظهور هذه النافذة اختارى اسم المجلد من سطع المكتب XP-Arabic-font كما في (1) ثم انقر على (Open)  بعد ظهور هذه النافذة انقر اسم الملف ftlx041e.dll كما في (1) ثم انقر على (Open)  وبعد ذلك مباشرة تعودين إلى نفس النافذة التى تطلب ادخال السيدى ومن خلالها تنقرى على OK  الآن بدأت عملية نقل الخطوط  بعد ذلك إذا ظهرت لك أى رسالة اضغطى على Yes بعد ذلك تظهر لك رسالة التي تسألك هل تريد إعادة تشغيل النظام.انقر على نعم Yes وبذلك تكون قد انتهت عملية تركيب اللغة العربية بعد إعادة التشغيل تجد في الأسفل على يمين الشاشة شريط اللغات الذي من خلاله لغة الكتابة مثلا إذا كنت في برنامج وورد وأي برنامج آخر للكتابة أما القراءة فقط فلا تحتاج التغيير  منقوله للامانه | |
| موضوع: رد: ازاى تسطبى ويندوزعايزه تعرفى تعالى وانا اقولك الثلاثاء أغسطس 10, 2010 2:19 am | |
| موضوع: رد: ازاى تسطبى ويندوزعايزه تعرفى تعالى وانا اقولك الجمعة أغسطس 20, 2010 12:41 am | |
| موضوع: رد: ازاى تسطبى ويندوزعايزه تعرفى تعالى وانا اقولك الأربعاء سبتمبر 01, 2010 2:27 pm | |
| موضوع: رد: ازاى تسطبى ويندوزعايزه تعرفى تعالى وانا اقولك الخميس سبتمبر 02, 2010 2:30 am | |
ازاى تسطبى ويندوزعايزه تعرفى تعالى وانا اقولك |  |
| ||
| » عايزة تعرفى اسم اللى مخترق جهازك تعالى هنا » لكل مخطوبه تعالى اقولك شويه نصايح(تودى فى داهيه) هههههههههه » محتارة ونفسك تعرفى زوجك بيحبك ولا لاء طيب تعالى |