 | أحــــــلام الحـــــــــــب |
       |
| |||||||||||||||||||||||||||||||||||||||||||||
| مواضيع مماثلة |
| أحــــــلام الحـــــــــــب :: منتدى المراة (الزوجة والآم) :: قسم التدبير المنزلى | شاطر |
مجموعه نصائح منزلية لست البيت
 موضوع: مجموعه نصائح منزلية لست البيت  الأربعاء أبريل 11, 2012 9:08 am | |
شوية نصايح كده لست البيت والانسة البيت برضه ميضرش نبتدى 1- عايزرة ريحة حلوة وانتى بتطبخى ايه رايك ممكن تحطة قطعة مسك صغيرة ع عين البوتجاز واول ما هتفتحى النار هتلاقى الريحة قالبة الدنيا 2- عندك حلل الومنيوم لونها بيغير عايزة ترجيعها تانى يلا شوية خل وليمون وادعكى ولو عندك ورقة فويل كرمشيها وادعكى بيها يا قمر وبعدين مايه وصابون وشوفيها وتعالى قوليلى 3-لهلوبة فى المعجنات وشغالة بيض ولبن واديلو فى الخلط ويتعبك فى الغسيل طيب حطى شوية ملح وقشر ليمون وميه سخنه واضربى الخلاط شوية صغيرين خالص وبعدين بالميه واشطفى 4-بتقشرى الباذنجان وقليه تلاقيه شال الزيت كله وشربه طيب بعد ما تقشريه حطيه فى شوية مياه وملح وبعدين شوية فى الشمس صغيرين وبعدين اقليه اقولك خديه معاكى وانتى بتنشرى 5-بتعملى عصير اى نوع فاكهة وتحطيه فى دورق وتحطيه فى التلاجة كده غلط لان فيتامين ج اللى فى العصير بيبوظ بمجرد تعرضه للهواء يبقى نحطه فى ازايز او زجاجات هههههههههههههههه 6-عينك بتتشحطف وانتى بتعملى البصل وبتقطعى قبل ما تقطعيه حطيه نص ساعه فقط لا غير فى الفريزر وبعدين قطعيه وعيطى برضه 7-كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى طيب التوم ريحته مالية ايديكى قشر الليمون وادعكى وبعدين اشطفى 8- بتحمرى اللحمة والسمنة بتطرطش ومشوهة ايديكى ووشك عارفة انا الشكل ده طيب رشى شوية ملح صغيرين للسمنة 9-عملتى نفسك فلحوسة شاطرة وحطيتى التوابل بالنظر والشطة ولا الفلفل الاسود زادوا واتلهلب طيب حطى معلقة او معلقتين لبن ع الاكل بس يكون دافى مش ساقع 10- عندك ذباب كتير او دبان مش فارقة ههههه طيب أصيص صغير ازرعيه ريحان او نعناع الروايح اللى بتطلع منه بتطرد الذباب طردة الكلاب 11- عندك نمل وعمال يفتح ويخرم وهيهد البيت عليكو بعد الشر شوية خل تفاح مع مايه ورشى مناطق التجمع بتاعته المنبع يعنى 11- بتحطى سلة القمامة بتاعتك قدام باب الشقة وشوية وبتسمعى حفلة قطط بتتغدى وسابوا الاكل من غير ما يحاسبوا وبهدلوا الدنيا حطى شوية نشادر ع السلة من فوق 12 - عندك مطحنة وطحنتى توابل والريحة مش راضية تروح وعايزة تطحنى سكر اغسليها واطحنى فها شوية عيش محمص 13- عندك بواقى دهنيه فى قلاية التحمير اديها دعكتين الاول بورق جرايد وبعدين بالصابون 14- الملح بتاعك بيرطب فى علبته حطى كام حبة رز جوا العلبة | |
مجموعه نصائح منزلية لست البيت |  |
| صفحة 1 من اصل 1 | |
|
| ||
| » لو النمل جننك تعالى ورايا » مايونيز فى البيت » انا جـــــــــــيت نورت البيت |
| |||||||
| |||||||